«Алматы» командасы Қазақстан чемпионатының жүлдегерлері атанды
«Достық» спорт кешенінде гандболдан әйелдер арасында 25-ші<span> </span>ел<span> </span> чемпионатының<span> </span> шешуші кездесулері өтті. Үшінші орынды «Алматы» мен «Алтай», ал бірінші орынды «Қайсар» мен «Іле» командалары сарапқа салды.
Қазақстан<span> </span> гандбол Федерациясының бас директоры Садық Мұстафаев атап өткендей, шешуші кездесулерді<span> </span>ең<span> </span>әділ төрешілер бағалады.<span> </span>Қазақстан бріншілігі<span> </span>жоғарғы деңгейде өтті.
- Айтулы доданың жеңімпаздары мен жүлдегерлері ел намысын Азия чемпионатында қорғайтын болады. Осы жылы бұл халықаралық жарысты ұйымдастыру бізге бұйырыпты. Аталмыш бәсеке Алматы қаласында, үздік ұжымдардың арасында өтеді. Бүгінгі<span> </span>ойындар<span> </span> өте қызықты өтті.Енді сары құрлық додасында<span> </span> біздің қыздар еліміздің туын биікке желбіретеді деген сенімдеміз! – деп бөлісті Садық<span> </span>Мұстафаев.
Үшінші орын үшін өткен кездедесу қызықты да тартысты өтті. Қос ұжым барын салып, жақсы ойын өрнегін көрсетті. Нәтижесінде «Алматы» командасының бұрымдылары 26:20 есебімен «Алтай» гандболшыларын жеңіп, Қазақстан чемпионатының қола жүлдегері атанды.
- Шешуші ойые бізге оңай берілді десем болады.<span> </span>Біз бұл ұжыммен көптеген кездесулерді өткізгенбіз, барлығы жеңіспен аяқталған. Сонымен қатар, басқа командалардан гөрі «Алтаймен» бәстесу оңайырақ болды. Жалпы, чемпионат жайлы<span> </span>айтатын<span> </span> болсақ,<span> </span>біз<span> </span>үшінші орынға жайғастық. Әрине өкінішті, бірақ біз еңсемізді түсірмей, жұмыс жасайтын боламыз, - деп айта кетті «Алматы»<span> </span>командасының<span> </span>ойыншысы Наталья Якуба.
Еліміздің чемпионы атану үшін үздік ұжымдар «Іле» мен «Қайсар»<span> </span>өзара мықтыны анықтады. Ойынның бірінші жартысы ұпай саны бойынша тепе-тең жалғасты, екі команда да бірінен соң бірі қарсыластарының қақпасына доп салумен болды. Алайда,<span> </span>кездесудің<span> </span> екінші<span> </span>кезеңі<span> </span>«Іле» үшін сәтсіз басталды. Қарсыластарының қысымына шыдамаған олар<span> </span>жеңіле бастады.<span> </span>Осылайша, қызылордалық арулар қарсыластарын 49:27есебімен ойсырата ұтып, Қазақстан чемпионы атанса, «Іле» командасы күміспен күптелді.
- Біз тек жеңіске жетеміз деген оймен алаңға шықтық.<span> </span>Қарсыластарымыз да мықты екенін көрсетті. Біз осыншама жолды өтіп, берілуге, жеңілуге жол бермедік. Менің ойымша, нағыз бәстесу болды. Қыздармен, ұтылсақ, үйге жаяу қайтамыз<span> </span>деп<span> </span>келіскенбіз, сондықтан бар күшімізді салып ойнадық, - деп қуанышымен бөлісіті «Қайсар»<span> </span>командасының<span> </span> ойыншысы Наталья Ильина.
Жеңімпаздар мен жүлдегерлер медаль, диплом және кубоктармен марапатталды, сонымен қатар оларға естелік сыйлықтар берілді.
Жарыстың<span> </span> басты мақсаты – қала тұрғындары арасында гандболды елге таныту, оны дамытып, насихаттау, сонымен қатар, спортшылардың шеберліктерін арттырып, үздіктерін анықтау.