Сауль Доннарумаға үш гол соқты

Жастар арасындағы Еуропа чемпионатының жартылай финалында Испания мен Италия күш сынасты.

Құрамында Сауль, Асенсио, Беллерин сынды жұлдыздары бар испаниялықтар Доннарума бастаған Италияны тізе бүктірді. «Атлетико» клубының футболшысы бұл матчта хет- триктің авторы атанды. Қорытынды есеп 3:1.

Айта кетейік, бұған дейін Германия жастары пенальтиден Англиядан басым түсіп, финалға шыққан еді.