Қазақстандық ойыншы Грузия чемпионатында дебютін өткізді

20 жасар қазақстандық футболшы Акиф Гасанов кеше «Гардабани» сапында алғашқы ресми матчын өткізді.

<span>Грузия чемпионатының 14-турында «Гардабани» қонақта «Боржомиге» қонаққа барып, 0:2 есебімен жеңіліп қалды. Акиф Гасанов негізгі құрамда шығып, сол қанаттағы жартылай қорғаныста ойнады. 71-минутта өз орнын әріптесіне босатты. </span>

<span>Айта кетейік, Қарағанды футбол мектебінің түлегі мен «Гардабани» арасындағы келісім-шарт 2017 жылғы маусымның соңына дейін жасалған.</span>