«Астана» «Оқжетпесті» тас-талқан етті

Ел чемпионы «Астана» өз алаңында қонақтарды сенімді жеңді.

17-турда елордалық команда өз алаңында көкшетаулық «Оқжетпесті» қабылдаған. Алаң иелері қарсылас қақпасына жауапсыз үш гол тоғытты. Ойынның 40-минутында Патрик Твумаси гол соққан.

Бұл есеп ойынның соңына дейін сақталып тұрды. 77-минутта Срджан Граховац есепті еселеді. Бір минуттан соң, Джуниор Кабананга өз командасының үшінші голын соқты. Қорытынды есеп – 3:0, ел чемпионы маңызды жеңіске қол жеткізді.

Осы ойыннан соң көш басындағы орнын өзіне қайтарып алды – 42 ұпай. «Оқжетпес» болса, 15 ұпаймен соңғы жақта келе жатыр.