Давид Лория: Біздің бапкерлік штаб болгар футболын жақсы біледі

«Ертістің» капитаны Давид Лория Prosports.kz тілшісіне павлодарлық клубтың Еуропа лигасындағы қарсыласы туралы пікірін айтты.

- Давид, Еуропа лигасының жеребесін «Ертіс» үшін қалай бағалауға болады?

- Еуропалық турнирлерде ешкімді бағаламауға болмайды, сондықтан мүмкіндігінше дайындалуымыз керек.

- «Дунав» клубы туралы не білесіз?

- Әзірше бұл командамен танысқан жоқпыз. Бірақ бапкерлік штаб бұл тұрғыда жақсы дайындалады деп ойлаймын. Себебі олар болгар футболын жақсы біледі. Дәл қазір біз Қазақстан чемпионатын ойлап жүрміз.