«Астананың» Чемпиондар лигасындағы қарсыласы белгілі

Биыл Қазақстан атынан Чемпиондар лигасында «Астана» футбол клубы сынға түседі. Қазақстандық клуб іріктеуді екінші айналымнан бастайды.

Бүгін Ньон қаласында Чемпиондар лигасы мен Еуропа лигасының іріктеу кезеңінің жеребесі тартылды.

Жеребе нәтижесінде қазақстандық «Астана» клубының қарсыласы болып латвиялық «Спартак» клубы түсті.

Алғашқы ойын 11-12-ші шілдеде Астанада өтеді. Қарымта кездесу араға апта салып Латвия жерінде жоспарланған.