Буффон: Бұл менің соңғы маусымым шығар

«Ювентус» пен Италия құрамасының қақпашысы Джанлуиджи Буффон биылғы маусым спорттық мансабындағы соңғы жыл болуы мүмкін екендігін айтты.

«Спортшының өмірі жеңіс пен жеңілістен тұрады. Мен көп жүлдеге қол жеткіздім, жеңілген кездерім де аз болған жоқ. Болашақа да көз салған жөн. Бұл менің спорттық мансабымдағы соңғы жыл болуы да мүмкін. Сондықтан клуб пен ұлттық құрама өз болашақтарын ойлауы тиіс. Олардың терең тарихы бір адаммен өлшенбейді. Бапкер болғым келе ме жоқ па ол жағын өзім де білмеймін. Спорттық мансабымды аяқтаған соң біраз демалғым келеді. Себебі менің спорта жүргеніме көп жылдың жүзі болды», - дейді Чемпиондар лигасында жолы болмаған қақпашы.