Иван Маевский: Көптен бері жеңіске жетпей, гол соға алмай жүр едік

Беларусь құрамасы мен елордалық «Астананың» жартылай қорғаушысы Иван Маевский 2018 жылғы әлем чемпионатының іріктеу кезеңіндегі Болгарияға (2:1) қарсы ойын жайлы пікірін айтты.

«Көптен бері жеңіске жетпеп едік, тіпті, гол соға алмай жүргенбіз. Сондықтан бұл нәтиже үшін қуаныштымыз. Жақсы әсер алдық. Жүрегіміз орнына түсті деуге болады. Бұл бір реттік табыс қана емес, алға жылжу деп үміттенемін», - деді Маевский.