«Астананың» шабуылшысы Румынияның үздік сұрмергені атанды

Албания құрамасы мен «Астананың» шабуылшысы Аздрен Ллуллаку Румыния лигасының үздік сұрмергені болды.

Ллуллаку былтыр «Газ-Метан» сапында ел чемпионатында 20 матч өткізіп, 16 гол соққан. Шабуылшы маусымның екінші жартысында Румыниядан кетіп, «Астанаға» ауысса да, үздік сұрмерген атағын жеңіп алды.

Естеріңізге сала кетсек, «Астанада» Ллуллаку нәтижелігімен көзге түсе алар емес. Ол әзірше бір гол мен екі нәтижелі пастың авторы.