Илья Ильин: Қыздарымызға обал, келесі менмін!

Допингте ұсталған екі дүркін Олимпиада чемпионы қазақстандық зілтемірші Илья Ильин ҰОК-тың Майя Манеза, Зульфия Чиншанло және Светлана Подобедоваға қатысты шешіміне өз пікірін білдірді.

- Қайырлы күн! Көңіл-күйім жақсы, бірақ қыздарымызға обал болды! Келесі менмін, - деп жазды Илья Ильин әлеуметтік желідегі ресми парақшасында. 

Естеріңізге сала кетсек, бүгін Халықаралық ауыр атлетика Федерациясы допинг қолданған Манеза, Чиншанло мен Подобедоваға қатысты ресми шешім шығарған болатын.