Ибрагимович МЮ-дің жаңа келісімшартынан бас тартты

Швециялық шабуылшы Златан Ибрагимович «Манчестер Юнайтедпен» келісімін неліктен ұзартпағанын айтты.

- Жарты жыл ойнамай, жалақы алғым келген жоқ. Мен ондай футболшы емеспін, - деді Златан.

Естеріңізге сала кетсек, Ибрагимовичтің МЮ-мен келісімі маусым соңында аяқталады. «Қызыл сойқандардың» басшылығы швециялық шабуылшыға жаңа келісімшарт ұсынған болатын, бірақ Ибра бас тартты.

Айта кетер жайт, 35 жастағы футболшы ауыр жарақатына байланысты 8-9 ай мерзімде жасыл алаңға шықпайды.