«Интердің» басшылығы ойыншыларды базаға қамап қоймақ

Миландық «Интердің» басшылығы команданы клуб базасына жауып тастайды. Бұған себеп – Италия чемпионатындағы төмен нәтижелер.

Футболшылар жаттығу базасында 25-30 сәуір арасында болады. Басшылық бас бапкер Стефано Пиолиге толық қолдау көрсетіп отыр.

Айта кетейік, «Интер» соңғы бес матч бойы жеңіске жете алмай келеді. Оның үшеуін жеңіліспен аяқтаған. Бүгінде 56 ұпаймен жетінші орында тұр. Көш басындағы «Ювентустан» 27 ұпайға қалып келеді.