Қуат Хамитов: Негізі, мен жеңдім

Аралас жекпе-жек спортшысы Қуат Хамитов ресейлік Магомедсайгид Алибековтен жеңіліп қалған соң, өз пікірін айтты.

«Соңғы екі раунд менің еншімде болды, бірақ төрешілер жеңісті Алибековке берді. Шынымды айтсам, мен жеңдім деп ойлаймын. Ұпайлар бойынша, мен белсендірек болдым. Бірақ төрешілердің пікірі басқаша. Жекпе-жекті өзгеше көрген шығар. Маған қолдау көрсеткен барша қазақстандықтарға алғыс айтамын. Тағы ораламыз деп үміттенемін», - деді Қуат.

Айта кетейік, Хамитов ресейлік Алибековтен төрешілер шешімімен жеңілген болатын.