Пабло Освальдо: Құрамада Буффон мен бапкер үшеуіміз темекі шектік

Италия құрамасының бұрынғы шабуылшысы Пабло Освальдо ұлттық командада «Ювентус» қақпашысы Джанлуиджи Буффонмен бірге темекі шеккенін айтты.

«Бұрын Италия құрамасының киім ауыстыратын бөлмесінде темекі шегетінмін. Бірақ өзім ғана емес. Буффон және бапкермен бірге шектік», - деді Освальдо.

Освальдоның құрама сапында ойнаған уақытына қарар болсақ, шабуылшы өз сөзінде бапкер деп Чезаре Пранделлиді айтып тұрған сыңайлы.