Қазақстан Эстониядан басым түсті

Эстония мен Қазақстан әйелдер құрамалары арасындағы матч аяқталды.

Тбилисидегі «Михаил Месхи-2» стадионында өткен матчта қазақстандық футболшылар 1:0 есебімен жеңіске жетті. Бұл 2019 жылғы әлем чемпионатына іріктеу турнирі болатын.

Біздің футболшы қыздар іріктеудің алғашқы кезеңінде үш матч өткізіп, 7 ұпай еншіледі. Осылайша, Қазақстан құрамасы А тобында көш бастап, келесі кезеңге жолдама алды.

Әлем чемпионаты -2019. Алғашқы раунд

Эстония – Қазақстан 0:1 (0:0).

Гол: Николаенко 62

11 сәуір. Тбилиси. «Михаил Месхи-2» стадионы.