Еркебұлан Сейдахмет ҚПЛ-да дебютін өткізді

Қазақстан жасөспірімдер (U-18) құрамасының шабуылшысы Еркебұлан Сейдахмет қазақстандық Премьер-лигада дебютін өткізді.

Ел чемпионатының 4-ші турында «Тобылға» қарсы матчта форвард «Тараз» сапында алаңға шықты. Бас бапкер Ваит Талғаев жас ойыншыны алаңға 84-минутта шығарған. Сейдахмет қарсыластың айып алаңында симуляция жасағаны үшін сары қағаз алды.

Еркебұлан тараздық командада 70-ші нөмірмен ойнайды.