Джиу-джитсу: Грекияда жастарымыз әлем чемпионатын жеңіспен бастады

<span>Грекияның Афина қаласында джиу-джитсудан жастар арасында өтіп жатқан әлем чемпионатын қазақ спортшылары жеңіспен бастады. </span>

<span>ҚазАқпараттың хабарлауынша, жарыстың алғашқы күні жеті спортшымыз сынға түсіп, төртеуі жүлдегер атанды. Оның біреуі күміс, үшеуі қола медаль иеленді. </span>

<span>Күмісті Дәурен Айтенов жеңіп алса, үш қола медальға Дархан Нортаев, Жандос Нұрмұханбетов және Владислав Мухоротов қол жеткізді. </span>

<span>Ертең ұлттық құрамадан 11 спортшы файтинг және неваза түрлері бойынша сынға түседі. </span>

<span>Бұл додада әлемнің 45 елінен келген ең таңдаулы спортшылар бақ сынап жатыр. Оның ішінде Қазақстан намысын 41 спортшы қорғауда.  </span>