«Манчестер Юнайтед» «Челсимен» ойын алдында шабуылшысыз қалды

«Манчестер Юнайтед» командасыңың шабуылшысы Уэйн Руни жаттығу кезінде жарақат алып қалды.

Ол қолғаушы Фил Джонспен соқтығысып қалған. Оның қатарға қашан қосылатыны әзірге белгісіз. Руни бүгін болатын Англия кубогының 1/4 финалындағы «Челсиге» қарсы ойынға шықпайтыны анық.

Бұл жағдай «Манчестер Юнайтед» командасына айтарлықтай қиындық туғызып отыр. Себебі команда шабуылшысыз қалды. Златан Ибрагимович үш ойынға шеттетілген. Антони Марсьяльдың жарақаты бар. Ал Маркус Рэшфорд болса ауырып қалған.