Хаби Алонсо үлкен спортпен қош айтысты

Испания құрамасының сапында 2010 жылы әлем чемпионы атанған, германиялық «Бавария» клубының жартылай қорғаушысы Хаби Алонсо спорттағы  мансабын аяқтағанын мәлімдеді.

Бұл  жайлы спортшы өзінің Twitter парақшасында жариялады.

«Мұнымен өмір сүрдім, жақсы көрдім. Қош бол керемет ойын», - деді 35 жастағы жартылай қорғаушы.<br />

Хаби Алонсо 2014 жылдан бері «Бавария» сапында өнер көрсетуде. Бұған дейін ол «Реал»,<br /> англиялық «Ливерпуль» клубтарында ойнаған. Сонымен қатар, Испания құрамасымен екі дүркін Еуропа (2008, 2012 жылдар) чемпионы атанды.