Серхио Рамос Роберто Карлоспен теңесті

«Реал» клубының қорғаушысы Серхио Рамос Чемпиондар лигасының 1/8 финалында «Наполи» қақпасына қос гол соғып, бразилиялық Роберто Карлоспен сұрмергендер тізімінде теңесті.

30 жастағы Рамос «Реал» сапында 68-ші голын соқты. Бұған дейін клубтың тарихында ең көп гол соққан қорғаушылар тізімін Роберто Карлос 68 доппен бастап түрған. Екінші орын Фернандо Йеррода болса (67), ал үшінші Пирриде (63).