Хави: Верратти маған ұқсайды

«Барселона» клубының бұрынғы ойыншысы Хави ПСЖ командасының жартылай қорғаушысы Марко Верраттиді каталондық клубтың қатарынан көргісі келетінін жасырмады.

«Менің ойымша, Верратти маған ұқсайды. Ол әрқашан допты іздеп тұрады. Доп алу үшін барынша төмен түсіп, доп алған соң ойынды жүргізгенді ұнатады. Ол да мен сияқты қысқа бойлы. Верратти ешқашан допты жоғалтпайды. Оның шеберлігін сөзбен жеткізу мүмкін емес. Мен оны «Барселона» клубының қатарынан көргім келеді. Марко Верратти каталондық клуб үшін таптырмас ойыншы», — дейді Хави.