Бруно Соарес «Хеугесунн» ойыншысы атанды

Алматылық «Қайрат» клубының бұрынғы қорғаушысы Бруно Соарес норвегиялық «Хеугесунн» клубымен келісім жасады. Бұл туралы ойыншы өзінің Инстаграмында жариялады.

«Хеугесунн» 2013-ші жылы Норвегия біріншілігінің қола жүлдегері атанған. Сонымен қатар, Норвегия кубогының финалына үш рет шыққан. Екінші дивизионда чемпион болған.

Естеріңізге салсақ, Бруно Соарес «Қайратқа» 2015-ші жылы ауысқан. Алайда ауыр жарақаттан соң команданың негізгі құрамына іліге алмай қалған. Ал биылғы маусым алдында алматылық клубтан кеткен болатын.