«Қайрат» жанкүйерлеріне үндеу жасады

«Қайрат» жанкүйерлерінің қатысуымен өткен төбелестен соң алматылық клуб ресми үндеу жасады.

«Біздің клуб жанкүйерлерді қарсыласқа құрметпен қарауға шақырып, қазақстандық футболда зорлық-зомбылыққа қарсы екенін мәлімдейді. Мұндай оқиғалар қаламыздың тұрғындарына кері әсер етіп қана қоймай, «Қайрат» ФК-ның имидждік жағдайына соққы жасайды.

Клуб Сіздерді ешқандай арандатуларға ермей, өздеріңіз де біреуді арандатуға бармауға шақырады. Естеріңізде болсын, кез келген заңбұзушылық сіз жанкүйерлік ететін клубқа тәртіптік санкция қойылуына алып келуі мүмкін», - деп жазылған хабарламада.