«Ордабасы» аргентиналық футболшыны қатарына қосты

Шымкенттік клуб Пабло Фонтаньеломен келісім-шартқа отырды. Бұл туралы клубтың ресми сайты хабарлады.

Аргентиналық футболшы 2009 жылы «Парма» құрамына ауысқан. Сол жақтан «Тигре» мен чилилік «Сантьяго Уондерерс» сапына жалға берілді. 2012 жылы «Черноморецпен» келісім-шартқа отырып, Еуропа лигасында өнер көрсетті. Кейін маусымның жартысын норвегиялық «Стабек» сапында өткізсе, былтыр «Уралдың» намысын қорғады.