Роналду «Эйбарға» қарсы ойнамайды

«Реалдың» шабуылшысы Криштиану Роналду Испания чемпионатының 26-турындағы «Эйбарға» қарсы ойынға қатыспайды.

AS интернет-порталының хабарлауынша, португалиялық ойыншы команданың Мадридтегі таңғы жаттығуына қатыспаған. Соған байланысты команданың бас бапкері Зинедин Зидан Роналдуды алдағы матчқа алаңға шығармауға бел буыпты.

Сонымен қатар, 4 наурызда «Эйбарға» қарсы матчқа жартылай қорғаушы Гарет Бэйл мен шабуылшы Альваро Мората, қорғаушылар Фабиу Коэнтрау мен Рафаэль Варан қатыса алмайды.