Фергюсон Нурмагомедовке: Сенің денсаулығың үшін дұға жасаймын

 Американдық спортшы Тони Фергюсон Хабиб Нурмагомедовқа тезірек сауығуын тіледі.

Екеуінің арасындағы уақытша чемпиондық белбеу үшін өтуі керек болған жекпе-жек Нурмагомедовтың денсаулығына байланысты өтпей қалған болатын.

«Қазір сенің денсаулығын жақсарған шығар, Хабиб. Сенің саулығың үшін дұға жасаймын. Тезірек сауық!» - деп жазды Фергюсон «Твиттер» парақшасында.

Айта кетейік, бұл Нурмагомедов пен Фергюсон арасындағы жекпе-жектің алғаш рет кейінге қалдырылуы емес. Алғаш рет Нурмагомедов 2015-ші жылдың қазанында жарақат алып, кездесу кейінге қалдырылған.