«Реал» камбэк жасады

Мадридтік «Реал» Испания чемпионатының 24-турында тамаша камбэк жасады.

Мадридтік ұжым «Вильяреалға» қонаққа барған. Алаң иелері екінші таймның басында екі гол соғып, үлкен басымдыққа ие болды. Алайда Гарет Бейл, Криштиану Роналду мен Альваро Морато соққан голдардың арқасында «Реал» жеңісті жұлып әкетті.

Мадридтік ұжым 55 ұпаймен турнир кестесінде көш бастап тұр. Екінші орындағы «Барселонадан» бір ұпайға озып келеді. Бірақ «Реал» бір матчқа кем ойнаған.