Бразилиялық БАҚ: Иури Мамуте «Ақтөбеге» жалға берілді

«Гремионың» 21 жастағы шабуылшысы Иури Мамуте бір жылға қазақстандық «Ақтөбеге» жалға берілді. Бұл туралы Gremistas жазды.

Бразилиялық БАҚ өкілдерінің хабарлауынша, «Гремио» кезінде Мамутеге үлкен үміт артқан, алайда жарақаттарының кесірінен Иури өз шеберлігін толық көрсете алмапты.

Айта кетейік, Иури Мамуте «Ақтөбеде» төртінші бразилиялық футболшы болмақ. Бұған дейін Кассиано, Витор Жуниор мен Жуниньо ақтөбеліктермен келісім-шартқа отырған еді.