Политыло: «Басқа да қазақстандық клубтардан ұсыныс болды, бірақ мен «Оқжетпесті» таңдадым»

«Оқжетпестің» жаңа ойыншысы Сергей Политыло көкшетаулық клубтың баспасөз-қызметіне сұхбат берді.  

- «Оқжетпеске» қалай ауыстыңыз?

- «Днепрмен» келісімім аяқталды, содан кейін көкшетаулық командадан ұсыныс түсті. Жиынға байқауға келіп, өзімді мықты қырынан көрсете алдым. 

- Командада бәрі ұнайды ма? 

- Жаттығу үдерісі ұнады. Бас бапкер комбинациялық футболды жақсы көреді. Командада мені жылы қарсы алды. Саня Чижов маған көп көмектесуде. 

- Сізді басқа да қазақстандық клубтар шақырды деп естідік... 

- Иә, рас. Бірақ қазір бұл маңызды емес, мен - «Оқжетпестің» ойыншысымын.