«Қайсар» Бурунди құрамасының ойыншысымен келісімшартқа отырды

29 жастағы бурундилік Саиди Нтибазонкиза «Қайсар» футбол клубымен келісімшартқа отырды.

Футболшы осыған дейін «Нек» ФК сапында ойнаған. Голландиялық клуб қатарында ол 63 ойын өткізіп, 10 гол соққан. Сонымен қатар, ол «Краковия» Польша, «Акхисар Беледиеспор» Түркия, «Кан» Франция сапында доп тепкен. Бурунди құрамасы үшін жартылай қорғаушы 13 ойында 5 голмен көзге түсті.