Маскерано ПСЖ-мен болатын алғашқы ойынға қатыспайды

«Барселона» қорғаушысы Хавьер Маскерано жарақатына байланысты Чемпиондар лигасының 1/8 финалындағы ПСЖ-мен болатын алғашқы ойынға қатыса алмайды, деп хабарлайды AS.

Дереккөздің хабарлауынша, жарақатынан айығу үшін қорғаушыға 15 – 20 күн керек. Сондықтан ол Испания біріншілігіндегі «Алавеске» қарсы ойында ғана емес, Чемпиондар лигасындағы ПСЖ-мен болатын алғашқы ойында да командасына көмектесе алмайды.

Маскерано Испания кубогының жартылай финалындағы «Атлетикомен» болған қарымта кездесуде жарақат алып қалды. Бұл ойын 1:1 есебімен аяқталып, «Барселона» Испания кубогының финалына шыққан болатын.