Фрэнк Лэмпард футболшы мансабын аяқтады

Футболдан Англия құрамасының бұрынғы жартылай қорғаушысы Фрэнк Лэмпард үлкен спортпен қош айтысты.

Бұл туралы футболшының өзі Инстаграмм-дағы ресми парақшасында хабарлады. 

- 21 жыл өткізген керемет мансабымнан кейін үлкен спорттан кететін уақыт келді. Англиялық командалардан ұсыныстар болды, бірақ мен өмірімнің жаңа бөлімін ашпақшымын, - деп жазды 38 жастағы Лэмпард.

Естеріңізге сала кетсек, Фрэнк лондондық «Челси», «Манчестер Сити», «Вест Хэм Юнайтед» және «Нью-Йорк Сити» клубтарында өнер көрсеткен.