Универсиаданың алғашқы қонақтары Қытайдан келеді

Универсиаданың бірінші қонақтары 24 қаңтар күні келеді. Ол Қытай делегациясы болмақ. Бұл туралы 28-ші Бүкіләлемдік қысқы Универсиадаға дайындалу және өткізу жөніндегі дирекция директоры Наиль Нұров БАҚ-пен кездесуде мәлім етті, деп хабарлайды ҚазАқпарат тілшісі. <br /><br />«Біздің бірінші қонақтарымыз 24 қаңтар күні келеді. Ол 60 адамнан тұратын Қытай делегациясы. Одан кейін, бірнеше сағаттан соң Канада хоккейшілері келеді. 26-29 қаңтарда қонақтардың дені келеді, бұл күндері әуежайда өте тығыз жұмыс болады», - деді Н.Нұров. <br /><br />Сонымен қатар, ол бүгінгі таңда барлық нысандар 90 пайызға дайын екенін айтты. <br /><br />«20 қаңтар күні дирекция барлық ғимаратты қала әкіміне тапсырады. Онда нысандар әбден жабдықталып, жарақталған күйде болады. Бүгінде біз Универсиадаға толығымен дайынбыз деп айта аламыз»,- деді Н.Нұров.