Дмитрий Рейхард әлем кубогында жеңіске жетті

Фристайлдың могул түрінен АҚШ-тың Лейк-Плэсид қаласының «Уайтфейс» тауында өткен əлем кубогының екінші кезеңі аяқталды. <br /><br />Аталмыш жарыста ерлер сайысында отандасымыз Дмитрий Рейхард жеңімпаз атанды. Қазақстандық спортшыны әлем кубогындағы екінші жеңісіне қол жеткізді. <br /><br />Айта кетейік, бұл спорт түрінде жеңіске жету үшін қиын элементтерді орындап, тәуекелге бару керек. Отандасымыз бұл жолы тәуекелге бел буып, аса қиын элементтерді үлкен жылдамдықта орындады. <br />Нәтижесінде 82,20 ұпаймен жеңіске жетті.<br /><br />Бірінші кезең бойынша әлем кубогында көш бастап тұрған Канадалық Микаэль Кингсбери АҚШ-та алтыншы орын алып, жалпы есептегі бірінші орынды Дмитрий Рейхардқа босатты. Жерлесіміз 150 ұпаймен маусым көшін бастады. <br /><br />«Менің алғашқы жеңісім 2008 жылы болды. Сайыс барысында жылдамдығым арта берді. Алғашқы секіру элементі жақсы орындалды, екіншісі де жоғары деңгейде болды. Үлкен еңбектің арқасында осындай нәтижеге қол жеткіздім», — деді Дмитрий.

Айта кететін жайт, әлем кубогының үшінші кезеңі Лейк-Плэсид қаласынан Канаданың Валь Сен-ком қаласына ауысады.