Генрих Мхитарян «Ливерпульге» қарсы ойынға ерекше жігерленіп шығады

«Манчестер Юнайтедтің» жартылай қорғаушысы Генрих Мхитарян кезінде Брендан Роджерс бапкерлік еткен «Ливерпульден» ұсыныс болғаны жайлы айтып берді. <br /><br />Sky Sports басылымының хабарлауынша, Мхитарян бүгінгі «Ливерпульге» қарсы ойынға қатты әзірленіп, жігерленіп шығады. <br /><br />Арменияның жұлдызы Daily Mail басылымына сұқбат берді. <br /><br />«Брендан Роджерспен бірнеше рет телефонмен сөйлескенмін. Ол мені команда сапында Луис Суарес және Стивен Джеррардпен бірге ойнағанымды қалаған. Сол кезде өз күшіме сенбегенмін. Украина чемпионаты мен АПЛ-дың арасы аспан мен жердей, сол себепті ұсыныстан бас тартқанмын. Алайда бірнеше айдан кейін дортмундық «Боруссияға» ауысқанымда өзіме деген сенімділік пайда болды», - деді футболшы.