«Қайратта» екі ойыншы байқауда жүр

«Қайрат» футбол клубы бүгін Түркиядағы екінші оқу-жаттығу жиынының екінші кезеңін бастайды. Бұл туралы клубтың баспасөз-қызметі жазды. 

Алғашқы жеті күн ауыр жаттығулармен өтті – футболшылар күніне екі рет, ертеңгісін және кешке жаттығулар жасап тұрды және олардың әрқайсысы әр түрлі болды. Бірінші кезеңнің соңында албаниялық «Кукесимен» жолдастық кездесу өткізіп, «Қайрат» 1:0 есебімен жеңіске жетті. Бұл ойында алматылықтар сапында екі түрлі құрам алаңға шықты. Алматылық команданың бас бапкері ойынға да, жиынға да көңілі толды, бірақ Герсон Асеведоның жарақаты көңілге күрбең түсіреді.

Енді клубымыздың бапкерлік штабы жиынның екінші кезеңін өткізеді, мұнда жатығулардың күшейтілген бағдарламалары қосылады. Ең соңында ресейлік «Оренбургпен» спарринг-матч өткізеді.

Айта кетейік, футболшылар жаттығу кезінде арнайы құрылғылар қолданып жүр, бұл құрылғы спортшылардың физикалық жағдайларын онлайн түрінде анықтап береді, осылайша ол бапкерлік штабқа ойыншылардың жаңа маусымға дайындығына көмектеседі.

Назарларыңызға командамен бірге жаттығып жатқан футболшылар тізімін ұсынамыз:

Қақпашылар: Владимир Плотников, Стас Покатилов, Олег Грубов.

Алаңдағы ойыншылар: Тимур Рудосельский, Ян Вороговский, Жарко Маркович, Исламбек Қуат, Михаил Бакаев, Бауыржан Исламхан, Исаэль Барбоса, Жерар Гоу, Ермек Қуантаев, Сезар Арзо, Бауыржан Тұрысбек, Нұрлан Дайыров, Мадияр Райымбек, Ғафуржан Сүйімбаев, Рифат Нұрмұғамет, Елдос Ахметов, Андрей Аршавин, Герсон Асеведо, Бруно Соарес, Георгий Жуков, Айбол Абикен, Ойбек Балтабаев, Стас Лунин.

Байқауда: Вилли Евсеев, Офосу Аппиа.