«Реал» «Барселонаның» рекордын жаңартты

Зинедин Зиданның командасы қатарынан 40 матч бойы ешкімнен жеңілмей келеді.

Кеше мадридтік ұжым Испания кубогының 1/8 финалының екінші кездесуінде «Севильямен» тең түсіп (3:3), жеңіліссіз сериясын 40 кездесуге дейін созды. 

Естеріңізге сала кетсек, бұның алдында рекорд каталондықтарда болған. Былтыр Луис Энрикенің командасы қатарынан 39 ойын ешкімнен ұтылмаған болатын. Енді міне «Реал» «Барселонаның» рекордын жаңартты.