«Реалдың» бұрынғы ойыншысы «Алтайға» ауысуға жақын

Мадридтік «Реалдың» бұрынғы ойыншысы Жюльен Фобер мансабын Қазақстан чемпионатында жалғастыруы мүмкін.

33 жастағы франциялық қорғаушы «Алтаймен» келіссөздер жүргізуде.

Бұл туралы шығыс қазақстандық ұжымның баспасөз-қызметі хабарлады.

Естеріңізге сала кетсек, Фобер Англия мен Франция чемпионаттарында 200-ге жуық кездесу өткізді. Сондай-ақ, 2009-шы жылы мадридтік «Реалда» өнер көрсетті.

Қазіргі таңда, Фобер шотландиялық «Килмарноктың» намысын қорғап жүр.