Витсель «Ювентуске»: «Кешіріңдер, мұндай ұсыныстан бас тартпайды»

«Зениттің» жартылай қорғаушысы Аксель Витсель «Ювентус» футбол клубынан кешірім сұрады. 

Естеріңізге сала кетсек, қаңтар айында бельгиялық жартылай қорғаушы туриндік ұжымға ауысуы керек болған. 

Бірақ Витсель соңғы сәтте «Тяньцзинь Цюаньцзянь» командасының ұсынысын қабылдап, мансабын Қытайда жалғастыратын болып шешті. 

Италиялық басылымының мәліметтеріне сүйенсек, Аксель қытайлық командада жылына 18 млн еуро жалақы алады.

«Кешіріңдер, мұндай ұсыныстан бас тартпайды», - деді Аксель өзінің трансфері жайлы.