Вальверде «Барселонаның» тізгінін ұстауы мүмкін

Луис Энрике «Барселона» тізгінінен кетіп жатса, бильбаолық «Атлетиктің» бапкері каталониялық клубты жаттықтыруы ықтимал.

Энрикенің каталониялықтармен келісім-шарты 2017 жылдың 30 маусымына дейін жасалған. «Барселонаның» бапкері өз болашағы туралы нақты шешім қабылдаған жоқ.

Ал Эрнесто Вальверденің баскалық клубпен келісімі де осы маусымның соңына дейін жасалған.

Айта кетейік, ойыншы ретінде ол 1988-1990 жылдар арасында «Барселонаның» намысын қорғаған болатын.