Англия құрамасының бұрынғы ойыншысы төбелестен кейін ауруханаға түсті

Англия құрамасының экс-ойыншысы Пол Гаскойн Лондондағы қонақ үйлердің бірінде болған төбелестен кейін ауруханаға жеткізілді.   Daily Mail берген ақпарат бойынша, Гаскойн алкогольды сусындарды шамадан тыс қолданып, қоғамдық тыныштықты бұзып, рассисттық сөздерді айтқан. <br /><br />Қонақ үй қонақтарының бірі бұрынғы футболшымен сөзге келіп қалып, соңы төбелеске ұласқан. Нәтижесінде Гаскойн баспалдақтан құлап, бас сүйегі мен миы зақымданып,  ауруханаға түсті. <br /><br />Футболшы мансабында ол  «Ньюкасл», «Мидлсбро», «Эвертон», «Тоттенхэм», «Лацио» және «Рейнджерс» сапында ойнаған болатын. Сонымен қатар, Гаскойн Англия футболының даңқ залына енген. Англия құрамасы сапында 57 ойын өткізіп, он гол соққан.