Твумаси қарақшылардың қанша сома алып кеткенін айтты

«Астананың» шабуылшысы Патрик Твумаси қарулы тонаушылардың қанша соманы алып кеткенін айтты.

«Олар 10 мың доллар мен 40 мың ганалық седи алып кетті. Сондай-ақ, қарақшылар біздің телефондарымыз бен әпкемнің 10 мың долларға жуық ақшасын тартып алды. Олардың үйге сенімді кіргендеріне қарағанда, бізді арнайы нысанаға алған сияқты», - деді Патрик.

Естеріңізге сала кетсек, кеше 19 желтоқсанда Твумасидің Гана астанасында орналасқан үйіне қарулы қарақшылар келіп, тонап кеткен. Патрик пен оның отбасы зақымданған жоқ.