Криштиану Роналду клубтар арасындағы әлем чемпионатының үздік ойыншысы атанды

Клубтар арасында өткен әлем чемпионатының ұйымдастырушылары  «Реал» мен «Кашима Антлерс» арасында өткен финалдық кездесуден кейін турнирдың үздік ойыншысын таңдады.  

«Реалдың» шабуылшысы Криштиану Роналду төрт гол соғып, жарыстың «Алтын добын» алды.

«Күміс доп» мадридтық клубтың жартылай қорғаушысы Лука Модричқа бұйырса,  «Қола доп»  жапониялық команданың ойыншысы Гаку Сибасакиге берілді. 

Фэйр-плей сыйлығы «Кашима Антлерс» командасына табысталды.