Мирсалимбаев "Тараз" сапында

"Ботафого Социал" футбол академиясының түлегі Фарух Мирсалимбаев "Тараз" командасымен жаттығып жүр. Келер маусымда премьер-лигада өнер көрсететін жамбылдық клуб жас ойыншыны өз сапына қосып алмақшы. Оның үстіне Фарух Мирсалимбаев Тараз қаласының тумасы. Кезінде әкесі Фархад Мирсалимбаев та "Тараз" командасымен Қазақстан чемпионы атанған еді. Өткен маусымда "Бәйтерек" сапында ойнаған 19 жасар жас шабуылшы 23 ойынға қатысып, 2 ассистенттік жасады.