Қазақстан U-19 құрамасының қарсыластары анықталды

Швейцариялық Ньон қаласында 19 жасқа дейінгі жасөспірімдер арасында 2018 жылғы Еуропа чемпионаты іріктеу кезеңінің жеребесі тартылды. Нәтижесінде Қазақстан жасөспірімдер құрамасы Словакия, Уэльс және Түркиямен бір топқа түсті.

Қазақстан жасөспірімдер құрамасының қатысуымен өтетін 2018 жылғы Еуропа чемпионатының іріктеу кезеңіндегі матчтар 2017 жылы 7-13 қарашада Түркияда болады.

Элиталық кезеңде әр топтан екі команда шығады, сондай-ақ, үшінші орын алған құрамалардың ішінде үздік төртеуі де жолдама алады. Финалдық турнир 2018 жылы Англияда өтеді.