Криштиану Роналду - төрт дүркін «Алтын доп» иегері

Мадридтік «Реалдың» шабуылшысы Криштиану Роналду биылғы маусымның ең үздік футболшысы атанды.  

Белгілі «France Football» басылымы португалиялық футболшыға «Алтын доп» жүлдесін табыс етті. 

Сауалнаманың қорытындысы бойынша, Роналду 745 ұпай жинады (Мессиде 316, Гризманнда 198). 

Осылайша, Криштиану мансабында төртінші рет «Алтын доп» жүлдесін жеңіп, Лионель Мессиге таяп қалды (аргентиналық футболшыда бес «Алтын доп»).