Андрей Аршавин: «Қазақстанның барлық тарихы «Ақтөбемен» байланысты»

Алматылық «Қайраттың» жартылай қорғаушысы Андрей Аршавин Қазақстан чемпионатының деңгейі туралы пікірімен бөлісті.

«Менің алдымда ең мықты клуб «Ақтөбе» саналған, ол бәсекелестікті тудыратын. Қазір ол жақта басшылық алмасып, кезіндегідей мықты клуб болмай қалды. Негізі, меніңше, Қазақстанның барлық тарихы «Ақтөбемен» байланысты. Бүгінде «Астана» мен «Қайраттың» басқа командалармен арасы өте алшақ. Турнир кестесі дәлел бола алады – екінші және үшінші орындардың арасында 23 ұпай», - деді Аршавин «Футбол России» бағдарламасында.