Хабиб Нурмагомедов - Алматыда

Белгілі ресейлік «файтер» Хабиб Нурмагомедов Алматы қаласына семинар өткізу үшін келді. 

UFC жұлдызының Алматыға келуі нағыз ажиотаж болды. Хабибті өз көзімен көру үшін талай алматылықтар Royal Tulip қонақ үйіне жиналды.  

- Қазақстанда мені үнемі жылы қарсы алады. Алматыда бірінші рет емеспін. График ауыр, соған қарамастан мұнда келуге уақыт таптым. Барлықтарыңызға көп рахмет айтқым келеді, - деді Нурмагомедов. 

Хабибтен өзге Алматыға ММА «файтерлері» Абубакр Нурмагомедов, Зубайра Тухугов және Ислам Махачев келді.