Рохер Каньяс: «Астана» мен «Қайрат» - қазақстандық Эль-Классико»

«Астананың» жартылай қорғаушысы Рохер Каньяс «Советский спортқа» берген сұхбатында «Қайратқа» қарсы кездесулер туралы айтып берді.

- Ресейде сіздердің негізгі қарсыластарыңыз «Қайрат» туралы көп нәрсе біледі, сол жақта Андрей Аршавин мен Анатолий Тимощук ойнайды. Алматылық командамен теке-тірес оңай болмаған шығар?

- Олармен кездесу өте маңызды. «Астана» мен «Қайрат» - нағыз қазақстандық Эль-Классико.

- «Реал» мен «Барса» сияқты ма?

- Иә-иә, бірақ Қазақстанда (күліп). «Қайрат» пен «Астана» бір-біріне қашан да негізгі қарсылас болды. Олар бізден басым түссе, чемпионатты жеңіп алғандай қуанады. Шыны керек, біз де сөйтеміз.