Әуе апатынан аман қалған Нетоның жағдайы тым ауыр

Колумбиядағы әуе апатынан тірі қалған «Шапекоэнсе» қорғаушысы Элио Нетоның жағдайы тым ауыр.

Бірнеше күн бұрын 31-жастағы бразилиялық футболшының әкесі баласының жазылып келе жатқанын, тіпті, футбол ойнауы мүмкін екенін айтқан еді.

Алайда соңғы сағаттарда өкпе инфекциясына байланысты Нетоның жағдайы қиындап кетті.

Ал тірі қалған басқа ойыншылар – Жаксон Фолльманн мен Алан Рушел өздерін жақсы сезінеді.

Бір аяғын кесіп тастауға тура келген Фолльманн өз отбасына аудиохабарлама жіберіп, қолдаулары үшін алғысын айтса, Рушел чураско дайындап беруді сұраған.